樂壇天后容祖兒由7月13日起假澳門舉行共12場巡唱，昨晚（24日）舉行尾二場時，以泳衣款打底衫，再加毛毛舞衣，露出長腿於在台上跳唱《全身暑假》時，突然大叫「嘩」一聲，隨即應聲跣倒，面向地趴低，令台下全場觀眾嚇餐懵。
不過台上的祖兒身手敏捷，即用手踭撐住地，再來個鯉魚翻身坐在台上，其他舞者即湧上前幫忙，在身邊舞者的攙扶下迅速起身，祖兒全程大笑，當她企起身時，台下傳來喝采聲，又見她用手拍拍心口定驚，再望住腳下逾幾秒鐘，之後笑住再度拍拍心口，緊接跳了一大步繼續演出，專業精神可嘉。
騷後，祖兒在社交網上載在台上跣低的短片，還向粉絲報平安謂：「其實我自己都覺得好好笑，連人帶聲跌咗落坑渠咁，我睇咗好多次，多謝各位扶起我同時又繼續專業表演嘅夥伴們，LOVE u。」對於英皇方面回應：「好彩祖兒反應快，最後冇事，台下所有同事都嚇親。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
