▲邵美琪再回巢拍劇令人期待。
由邵美琪（Maggie)、關禮傑、馬貫東、張曦雯、陳瀅和羅毓儀等主演的TVB新劇《特勤女團》，今日（8月20日）舉行拜神儀式。
劇中Maggie 與傑哥飾演名流夫婦，鍾柔美（Yumi）則演二人女兒，三人一同接受TOPick訪問。
舊將回巢丨邵美琪相隔6年再演TVB劇 回歸大台與聲夢小花合演母女
透露回巢拍劇原因
自2019年拍畢《街坊財爺》後，今次再度回巢拍劇，問到Maggie如何打動她？
Maggie說：「有日珍姐（曾勵珍）打畀我問我好唔好？我話好呀！跟住監製打畀我，問我好唔好？我話好呀！（有冇聽過劇本定珍姐一開聲就答應？）中間好多好唔好呢，就係好多細節唔方便透露，同埋見到佢哋真係好開心。」
與Maggie甚有默契
Maggie與傑哥相隔多年再度合作，傑哥說：「真係好多年冇合作，以前我同Maggie合作過舞台劇，又拍過好多戲，大家都好熟，所以一演夫妻好有默契同交流，唔會尷尷尬尬。」
Yumi認拍攝有壓力
今次乃是Yumi 首次拍劇，更要面對兩位實力派前輩，對此她直認緊張和有壓力：「拍嘅時候都好緊張，不過好開心有呢個機會，Maggie同傑哥戲內戲外都好錫我。（有冇趁機請教佢哋？）我有問佢哋背劇本點樣背，點樣可以演得投入啲，同埋有時我感到累就好難Keep住個energy，但佢哋好勁長期也可保持個狀態。」
Yumi續指當有Maggie與傑哥的場口時，會留低偷師，大讚他們演技厲害專業；傑哥與Maggie亦大讚Yumi勤力，既要忙於拍劇又要排舞拍攝MV。
個個爭住合作
談到有不少演員指與Maggie與傑哥的戲份「唔夠喉」，對此Maggie笑說：「始終集數有限得25集，咁寫100集大家都有機會。」
最新影片推介：
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick WhatsApp頻道睇最新資訊︰http://tinyurl.com/3dtnw8f5
|
鍾意就快D Share啦！
|
|
|
