近日修哥主持的網台節目《修哥萬花筒》，邀來Twins的鍾欣潼（阿嬌）和蔡卓妍（阿Sa）做訪問，重提此事，竟大方認愛！Twins由入行談到爆紅，阿Sa稱20多年前拍《明愛戀補習社》MV一事如不久前發生，修哥認同道：「好似我做咗70年，回頭望吓，好似前幾年嘅事發生一樣，又有啲唏噓。」修哥指Twins：「你哋有排做呀！」
說到工作到老，修哥稱：「啲人唔鍾意我，我都會繼續做。」阿Sa立即重提緋聞，笑言：「你早嗰排先上咗頭條，你嘅緋聞呀！恭喜你呀！」三人大笑。修哥笑稱：「點解修哥成日冇新聞，而家90歲先至有新聞，我自己都好開心！」阿Sa回答：「你嘅緋聞令大家都好高興喎！」修哥再度強調是「美麗的誤會」，稱因難以逐個解釋，惟有大方「認愛」，他說：「喺大陸好多人見到我，咪『恭喜、恭喜！』我只有話：『謝謝、謝謝！』（Twins：即係唔澄清？）點樣解釋呢？冇得解釋㗎嘛！只有話謝謝。」最後修哥舉杯道：「替我高興飲杯！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
