Lucy憑圓碌碌身形搞笑舉止，IG坐擁43萬粉絲，幼稚園就讀跑馬地免費名幼聖瑪加利大幼稚園，今年6月小一放榜已有大批粉絲追問Lucy去向，當時媽媽只透露派獲第一志願學校，及後又曾傳出LUCY走後門、叩門著名傳統女校，梁志瑩笑言：「好多老母八卦我個女讀咩小學，好多人好勁估lee估路，又話我叩門瑪利曼又話我走後門，創意滿滿。」
來到正式開學LUCY媽終於上載萬眾期待的校服照，穿上過膝校服裙的Lucy揹起大書包凸起肚腩笑容滿面跳住往學校前進：「李元元終於要做小學雞，長大咗嘅應該係李老母，終於沒有分離焦慮症，亦竟然沒有依依不捨，因為我知道，屋企仲有個細嘅俾我玩，yeah😂😂😂 #有人竟然6點半自己彈咗起身 #返到屋企我問我個女 #你有冇漏咗帶啲乜嘢 #佢答我 #你咩都漏晒呀媽媽🤣🤣🤣 #老師話我又冇家課冊又冇通告又冇乜乜盛盛😅 #條友仔而家成日學我講盛盛」
雖然LUCY媽刻意遮蓋校徽，但從校服樣式得知，LUCY就讀港島14校網熱門學校滬江小學，1987年創立的男女津貼校，自設校本課程，更切合學生的程度，同時推行資優教育，2016年度開始「一人一樂器」計劃，積極推動國家安全教育，去年教育局近日於網頁上載滬江小學的國安教育實踐經驗短片，供同工參考和借鏡。滬江小學升中成績理想，23-24年度高達67.5%畢業生升讀英文中學，黃又南以及LOLLY TALK阿YO郭曉妍都是此校校友。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
