陳豪遭網民野生捕獲當眾「叫雞」 笑認：成日都幫襯 #陳豪

陳豪（阿Mo）今日（10/10）現身南昌出席無綫（TVB）劇集《企業強人》宣傳造勢活動。提起劇中他為了劇情需要孭住醉酒的龔嘉欣慢步回家，有指來來回回拍 ...

陳豪（阿Mo）今日（10/10）現身南昌出席無綫（TVB）劇集《企業強人》宣傳造勢活動。提起劇中他為了劇情需要孭住醉酒的龔嘉欣慢步回家，有指來來回回拍攝了二十多次，令他大感吃力，阿Mo接受《香港01》訪問時笑說：「其實真係唔好睇小嘉欣，佢其實係有啲份量，不過好彩佢嘅容量就唔係好大。大家千祈唔好誤會，我指係佢嘅體重。不過自己係冇諗過要拍咁多次，拍完之後腳隻真係軟。」

另外講到近日遭網民在街市食店野生捕獲，並拍下他的貼地一面，並上載到社交平台，引起熱議。有網民留言說笑「陳豪竟然當眾叫雞」、「食雞飲咖啡無衝突」、「等朕check下呢間好唔好食」陳豪在回應時笑說：「其實我都成日叫雞⋯食飯嘅。嗰個街市我係成日都會去買餸，變咗我係知嗰度有間賣手撕雞嘅食店，而且都成日都幫襯。而嗰日我係知有人影我相，但估唔到得個側面，早知我就擺個甫士畀佢影得靚仔啲啦。」

本文作轉載及備份之用 來源 source: http://www.hk01.com

鍾意就快D Share啦！

下一篇 》