承認親自邀請戴耀明做侍應
被問到是否聘請戴耀明做侍應，他說：「其實因為我同佢拍劇結緣，有陣時佢就話想生活體驗，佢想試吓做樓面嘅感覺，我話當然冇問題。」至於最初得知戴耀明答應工作時，是否認為對方只是開玩笑，他表示：「開頭我都以為佢玩玩吓，不過呢佢做嘢都好認真。（戴耀明什麼時候開始正式上班？）睇吓幾時得閒佢如果要返工都會早一日同我講，開頭就叫佢晏晝過嚟幫手，嗰陣時冇咁多食客，始終都驚整親佢。」
他指戴耀明的工作需要招呼食客：「要落下單、執頭執尾，或者執垃圾，同埋洗吓杯碗碟。」提到對方工作時的「蝦碌事」，他說：「落單落錯，人哋要切雞飯，佢就落咗燒鴨飯，經常性會咁樣，我唔怪佢，因為佢係學習中嘅人。」至於過去有否曾經動粗責罵戴耀明，他直言：「粗口間唔中都一兩句，因為都好寫實。」
透露食客認出戴耀明相當開心
提到有否目睹食客認出戴耀明，他說：「梗係有但係啲小朋友就未必認到佢，因為就覺得佢頭髮古怪，但係有啲30至40歲嘅人見到佢就好開心。」講到戴耀明是否屬於自己的徒弟，他幽默回應：「咁又唔好咁講，其實拍戲我係跟佢學嘢，如果做樓面就分享我嘅經驗俾佢。」他透露有望與戴耀明一齊在電台節目中合作。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
