雲集眾多實力派藝人出演嘅台劇《影后》，播出瞬間即掀起唔少討論，至今更係熱度未減，其中有份客串演出嘅大S舊愛藍正龍，更因戲份少兼突然暴瘦關係，竟然喺劇中冇人認到掀起熱議。事實上，藍正龍喺《影后》中本就戲份唔多，加上瘦到雙頰凹陷令皺紋變得明顯，先令唔少劇迷未有認出藍正龍，對此亦引嚟唔少網友擔憂藍正龍嘅健康狀況外，更感慨道：「歲月真的是把殺豬刀。」
而據台媒報道，日前（19日）下午1時許，一身休閒打扮牛仔打扮嘅藍正龍，現身台北市民生社區疑似散步，之後進入一處住宅區不久，3時許就拎住個保溫袋離開民生社區，隨後揸車前往台北信義區嘅五星級酒店，並同2名男性友人待至4點半左右先道別離去外，更明顯狀態大勇，冇咗拍攝《影后》時嘅消瘦憔悴之餘，帥氣度依舊爆燈。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
