東張西望｜謝嘉怡愛犬食毒肉身亡 難過非筆墨可形容：真係好心痛
Amy於分享會後接受訪問，痛心表示近日收到很多私訊，有關謝嘉怡愛犬慘遭毒殺一事。事情更巧合地跟電影情節一樣，更令Amy感同身受︰「每一日喺不同角落都發生緊呢啲咁殘酷嘅事，而我哋未必睇到。動物義工、寵物主人其實都面對緊好痛、好殘酷嘅現實，呢個世界上亦有好多鄧悅娜（戲中動物義工）不停為狗狗去付出。」Amy引用電影對白再三呼籲大眾善待動物，她說：「『你唔做主人都得，但要做返個人』，你可以唔愛，但你唔可以傷害，因為我哋冇權咁做。」
分享會上，Amy回想起電影的最後一幕，與旦哥於山頭上抱着小狗時真情流露淚崩時刻，她說：「劇本係冇嗰下流眼淚，頭兩個Take同埋試位時候，眼淚已經不停流，喺個心度發出嚟，的確係鄧悅娜經歷過嘅一啲傷痛。我以為一、兩Take就會完成拍攝，但有啲小失誤例如狗繩錯位，去到第四、五Take我有少少擔心會唔會喊唔到，但原來真係唔會，真係可以不停喊。當下嗰個鄧悅娜同Amy已經結合咗一齊。」
而電影中旦哥與飾演「燒腩」的狗演員Little戴着頭罩並排坐的一幕，Thomas透露是旦哥即興演出，更坦承起初不喜歡這個安排，但後來有了新的解讀：「開頭嘅時候真係唔鍾意，因為覺得好跳。我定義佢哋兩個相濡以沫，同是天涯淪落人。佳叔同隻狗係同一物種，坐埋一齊，大家都係受咗傷。」旦哥直言畫面上是不合常理，但假如憤世嫉俗的火爆老人佳叔願意去做這件事，代表他與「燒腩」建立了深厚友誼。
另外，剪接師阿Wing大爆戲中「燒腩」追車一幕，「偷用」了NG片段令畫面更為驚險。他說：「Action之後，Cut之前係一般認為要用嘅Footage，但呢套戲唔係，Action前嘅嘢我會用得着，Footage上係唔要，我偷咗嗰啲位用，變咗可以生多個危險位出嚟，我剪完出嚟佢哋覺得好啱用就採納咗。」Amy直言獲益良多兼有所啓發，說：「唔好俾個框框實，係關於創意，我都學到嘢。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
