手機見鬼｜林明禎首映甩底激嬲導演彭發 原來最終有趕到戲院？
彭發︰趕到嚟嘅意思係成個活動已經完晒
昨晚首映活動結束後，大隊進入戲院看首映，據知到電影臨完場時，明禎卻被發現出現在活動地點的商場外，更與粉絲合照，而事前主辦並未獲對方通知會突然出現，就事件《香港01》致電導演彭發了解事情，並問到林明禎到埗後可有見面？彭發︰「冇喎，我冇同佢見過面喎，因為佢係話好神奇搵番本護照仲上埋機，跟住就趕到嚟尖沙咀。但就好似宣傳同主辦方都認為，咁樣搵番本護照出現番，反而會令事件愈描愈黑，更加難解釋，所以冇再安排同我見面，亦冇喺活動出現。同埋佢話趕到嚟嘅意思係成個活動已經完晒，記者走晒，所以佢嚟到係得番觀眾冇媒體，所以先覺得咁樣出現番唔係咁好，冇乜意思。」
手機見鬼｜女主角林明禎放飛機首映禮 彭發嬲爆：唔係咁簡單就算
未獲林明禎親自道歉 彭發︰私下同佢有任何聯絡
至於林明禎突發現身同粉絲合照的安排，彭發亦表示完全不知情︰「佢同粉絲見面呢，我就唔清楚，我完全唔知情。」雖然冇安排見面，但明禎最後有冇私下聯絡導演致歉呢？彭發︰「我冇私下同佢有任何聯絡，我哋冇任何聯絡渠道。」
電影《手機見鬼》將於下星期四12月12日上畫，還有一星期時間可以谷宣傳，問到導演彭發如果有機會，介唔介意再同明禎同場宣傳？彭發︰「我當然唔介意再同佢合作宣傳，問題係我之後都冇時間，香港有工作在身，21號又要飛去雲南，之後嘅宣傳活動都參與唔到。之後打後的宣傳安排就要問番電影公司。」
其實在首映禮上彭發開火後，林明禎已於昨晚出Po致歉，而在今日（7/12）下午更新限時動態，上載於戲院門外照片︰「昨日從台北準備飛港出席電影首映，但護照途中弄丟了也趕緊通知主辦方們，真的超自責。但慶幸護照最終還是找到了，也趕著最快的航班並趕往電影院。慶幸還能見到來支持我的一些粉絲朋友，非常欣慰。這是我與團隊們非常用心完成的作品，沒能出席到首映禮感到萬分可惜，也請大家多多支持《手機見鬼》。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
