台慶頒獎禮今晚（19日）舉行，陳曉華黑白晚裝表面上平平無奇，原來大玩則空，令雪白腰肢表露無遺，她更在紅氈上即場𢱑「最佳衣着獎」：「投我最佳衣着，投我最佳衣着！」至於兩位高妹劉穎鏇和陳楨怡就一紅一黑，大玩高衩騷美腿，十分殺食。
陳楨怡、劉穎鏇、陳曉華齊齊露腰晒腿，她們均拒絕透露腰圍，笑言飲啖水都會有變化，而曉華、劉穎鏇都沒有特別為穿晚裝裙而節食，而陳楨怡則笑言自己有，希望可以著得Fit啲；曉華被問到今晚是否真空上陣？她謂：「唔係。」問她們是否覺得對手太強勁，所以不露胸改露腿？曉華沒表示自己喜歡蝴蝶結，所以心口有蝴蝶結，劉穎鏇則直言自己一向好少太性感，多數露腿，而陳楨怡則表示自己很小著透視，故今次試下。
吳若希、蕭正楠齊齊進場時，吳若希「棘一棘」，她直言都不知發生什麼事，幸蕭正楠好Man出手扶一扶，蕭正楠則笑言：「我訓練有素，我老婆成日仆親，所以邊個喺身邊跌親，我都會出手扶。（點解翠如無行紅地氈？）佢唔會行，可能一間會喺頒獎禮現場出現畀個驚喜我，佢都係最佳女配角嘅熱門。」
之前吳若希預告會好性感，但事實卻非如此，她指自己已經好性感，只是一向無乜睇頭，蕭正楠則指吳若希裙尾有好多羽毛，上車時已夾甩不少，着她出入要小心一點，否則，好快「冇晒啲毛」，吳若希則笑言驚走光多啲。
楊卓娜左眉角的花朵化粧甚為搶眼，原來是用來遮掩傷痕，她謂：「之前左眉角爆瘡，有個窿仲以為被蟻咬，之後又腫又含膿，發炎，睇醫生先知係生蛇。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
