《萬千星輝頒獎禮》今日（19日）在澳門舉行，一眾花旦小花在紅地氈爭妍鬥麗，向來在地氈出位的馮盈盈雖然Deep V上陣，與陳懿德和麥美恩一起行紅氈，可是盈盈冇甚睇頭，仍輸事業線幾乎長到落肚臍的陳懿德，認真失威。
麥美恩接受訪問時，則反客為主，向紅地氈主持兼緋聞男友許文軒連珠發炮地發問，狂為對方入圍「最佳男主持」拉票，還搞笑地掏出鑽戒，話若對方奪獎就會有重要事情會宣布，令在場人士嘩然，許文軒則謂：「本來心情唔係好緊張，但依家反而好緊張，攞定唔攞好呢？！」相當搞笑。
何泳芍穿上白色低Ｖ晚裝亮相，波濤汹湧，問她何解咁搏？她笑言：「唔算，好低調，喺化粧間見到啲更強勁。（係咪因為皮膚黑所以著白色？）我每次試衫大家都係畀白色我，都有試過其他顏色，都係白色最好。」
現年18歲的鍾柔美穿上黑色透視裝進場，她受訪時都笑言自己第一次穿得如此性感：「18歲大個咗，希望有新嘅形象，希望大家喜歡新嘅Yumi。（會唔會事前都問過媽咪？）都要問，佢好支持，ｏｋ嘅，不過，咁著都有啲唔慣，形象設計師比呢條裙我嘅時候，我都無信心著得好，因為本身著呢件衫嘅模特兒身材太好，但當我試咗之後，身邊所有人都讚好，先有番啲信心。（媽咪有無話妳要有乜嘢低線？）我有，著得唔舒服都會拒絕。」
身穿低胸裝行《萬千星輝頒獎禮》紅地氈的戴祖儀，她接受訪問時表示：「呢條裙叫做仙女下凡，我覺得以前收得自己太埋，依家就大個女，想畀啲新鮮感大家。（條裙係大細邊設計喎？）人自然成長就唔會100%平衡，（但你個鼻尖咗，係咪搞過嚟？）完全冇，轉咗化妝師，所以個妝唔咗，完全冇微調，就算要搞都搞個『包包面』先啦。」對於她打入「飛躍進步女藝員」10強，她自認進步不少，尤其事業線及工作上均有成長。
而早前在內地拍劇時，左眼受細菌感染而眉角腫脹的楊卓娜，身上性感低胸裝示人，大晒美好身材，由於有眼傷關係，她臨時請了化妝師為她在傷口位劃了紅色花，完美將傷口遮蔽，做法聰明又搶鏡。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
