無綫小花何依婷婚後鮮少亮相幕前，正式榮升人妻嘅佢於上月初宣布懷孕喜訊，目前懷胎6月嘅佢，日前更為BB開性別Party，好友蔡嘉欣、陳詩欣及陳懿德亦有份 ...
無綫小花何依婷婚後鮮少亮相幕前，正式榮升人妻嘅佢於上月初宣布懷孕喜訊，目前懷胎6月嘅佢，日前更為BB開性別Party，好友蔡嘉欣、陳詩欣及陳懿德亦有份出席，只見佗住6個月BB嘅何依婷，手腳依然纖幼之餘，整體望落相當苗條，真不愧係「最美孕婦」。
相中所見，何依婷為BB舉辦嘅性別Party布滿藍色及粉紅色氣球，背景板上更寫有「Boy or Girl」外，其中何依婷被老公親吻孕肚嘅照片，更係溫馨滿瀉之餘，隨着何依婷刺破汽球，露出滿天飛嘅粉紅色氣球，更係引嚟唔少網友留言恭喜佢生「小蛇女」。
