ERROR演唱會《ERROR WHAT’S GOING WRONG??》最後有「死腳膠」登場，主音Titanic（Dee）因為去得太盡，完騷後已近乎失聲，193大讚他為死腳膠貢獻生命，並讚唱得最好一次。Dee關騷前曾透露「紅眼症」，問他情況如何，他表示：「有晚打緊稿時，突然有嘢銀我隻眼，第日隻眼好似畀嘢封咗咁。」演唱上，ERROR 3子表示要力捧Dee做新人，撼贏金Jer，問到是否今年實行，193表示要睇定經濟環境再決定。「如果6月嘅經濟好差就推佢，因為唔會有人出solo。」
保錡與全場404一齊慶祝生日，他表示感覺奇妙，而生日在工作中渡過代表有賺錢。問到緋聞女友菊梓喬有否捧場，他表示：「有在場（陪你過生日？）唔係咁講，我哋再搵公司PR答你啦。」對於193在台上笑他買廁紙，保錡表示唔介意，又指藝人不代表私生活要向全世界公開，而生日願望是脫貧兼發達，實行方法是努力買六合彩。
193在台上自嘲「法拉利」事件，他表示一開始其實很介意，但「人哋笑不如自己笑，因為真係抵死」；而在台上聲演曾志偉嘅肥仔，他表示只係「跟返唱法」，而所選嘅曲目都係由細聽到大，只係分享喜悅而非取笑。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
