至於被批為適合向主持方向發展的芷晴，被玲玲師傅讚學習能力高，但因受「焦慮星」影響，容易有負面思想：「佢諗得比較多，可能好後生就會諗：『哎吔，老咗嘅時候，我有幾多退休金呢？』」談到兩位女神姻緣，玲玲師傅指芷晴「嫁得相當唔錯」，至於Sophie的對象則無論年紀或是地域距離都需要遠一點，並直指Sophie感情問題複雜：「因為佢感情思維唔多正路，容易鍾意，但又唔容易滿足。」
家燕姐大爆Yumi兒時趣事：佢一開門就跳住入課室
至於明晚（5日）一集「開運搵師傅」環節嘉賓，則是同為《聲夢》畢業生的鍾柔美（Yumi）及張馳豪（Aska），家燕姐還大爆Yumi小時候在家燕媽媽藝術中心上課時的小趣事，家燕姐說：「佢六、七歲時嚟我中心度學唱歌跳舞，嗰時佢係一開咗度門就跳住入嚟。同埋我好欣賞佢好專心，每次一上完堂，佢都會對住鏡自己再跳吓。」家燕姐還大爆Yumi凡事以學業為重，對此Yumi坦言先應付好學業，是她排解壓力的方法：「有段時間真係好崩潰，我唔知道可以點平衡學業同工作上嘅嘢，後來我知道我一定要做完學業上嘅嘢先，剩番嘅時間就做自己鍾意嘅嘢，咁就可以做得開心啲。」Aska則被批指「做生意好易唔見錢」，另外玲玲師傅還會點評Aska與Yumi的合拍度。
至於丞丞師傅，除會和大家開心Share蛇年攝太歲吉日，還會教大家攝太歲的正確方法。丞丞師傅還和家燕姐到了黃美棋位於將軍澳的餐廳，品嚐美棋BB餐廳的特色美食之餘，還會教做了六年飲食生意、現時坐擁四間餐廳的美棋BB，如何坐旺財運，以及蛇年對甚麼類型的飲食業最為有利。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
