提到20年前封派利市價，梁思浩指有兩個人出手超闊綽，不分身分，每一封都是一千大元，鄧兆尊說：「我都有收過，依家可能少咗，但真架！」梁思浩續說：「初一，嚟到就派十幾萬，好利害！一位藝人一位風水師父。」吳家樂覺得是「越派得多越賺得多」。江美儀給提示：「低胸嗰個？」梁思浩即開估：「係玲玲姐（麥玲玲）。」雖然麥玲珍基本是逢人派，但吳家樂就指自己曾向對方拜年講恭喜發財，怎料換來一句「你唔使啦」，令他記恨至今，思浩說：「佢係咪覺得你有錢過佢？」，家樂回覆：「嬲嬲豬呀，冇理由，佢事業心咁重。」
吳家樂於2006年與其士集團主席周亦卿女兒周蕙蕙結婚，曾被稱「50億駙馬爺」，不過他仍是無綫新人時收入有限，每年亦為派利市而煩惱。吳家樂有多年與汪明荃一齊主持無綫大年初一的TVB新春節目，他直言每次入廠都要預備逾200封利市，他說：「好尷尬，做𡃁仔搵得唔多，冇理俾10蚊。入一廠諗派幾多錢，起碼200封（利市），後發覺，咦，有個阿姐咁嘅地位，搵咁多原來都係派十蚊一封，咁即刻...佢都係十蚊，我條氣好舒服，即刻貶值，最重要利市封唔好印記。嗰次之後，其實利市真係利利市市，我都唔介意人哋覺我俾多與少。」梁思浩和江美儀齊聲表示：「祝福嚟」。吳家樂續說：「我就覺得連阿姐都係咁嘅時候，我就唔需要太介意嘞」。鄧兆尊即提醒：「你會唔會講咗阿姐有啲....」，吳家樂即打圓場：「係咩我講咗出嚟咩？咁有好多阿姐嘅。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
