台灣女星大S（徐熙媛）春節期間因流感併發肺炎於日本不幸猝逝，當時陪喺佢身邊嘅丈夫具俊曄同妹妹小S（徐熙娣）等親友，都情緒崩潰、跌坐在地痛哭。韓國知名服裝設計師李相奉（이상봉），亦曝光同具俊曄私下對話，擔心性格脆弱嘅佢，恐難以承受喪妻之痛。
李相奉發文透露，看到大S病逝日本的消息，原本以為是假新聞，因此立刻傳訊息及致電給具俊曄求證：「加油，這是真的嗎？現在沒事了嗎？」但具俊曄並未即時回覆，直到深夜先覆Message，表示見到簡訊已經好夜啦，並回覆「我盡力了」，李相奉為其打氣：「俊曄加油，願徐熙媛安息。」李相奉坦言好擔心具俊曄狀況，因為佢本身脆弱細膩嘅性格，依家應該太衝擊「快瘋了」，一諗到佢未來將面臨多少痛苦，李相奉除叫佢振作起嚟，都冇其他說話可以安慰對方。
早前具俊曄所在男子組合「酷龍」拍檔姜元來妻子金鬆，早前亦喺社群曝光同具俊曄嘅私下對話，透露具俊曄依舊放唔低大S，但仍感謝佢哋，並希望佢哋祈禱等大S能夠安息。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
