金像獎是工業獎
近日，金像獎主席爾冬陞亮相文雋的YouTube頻道接受訪問，談到今年已經是第十年擔任金像獎主席，期間主理了8屆頒獎禮，每年都總有一些聲音和意見，例如說是小圈子選舉。爾冬陞便直認不諱︰「其實係小圈子，因為現在選民超過2000人，呢個係工業獎，唔係由觀眾投選，係行家對往年嘅電影覺得好畀個鼓勵。」
的確有「序」有應得？
至於講到獎項有時偏感情，出現擔凳仔「序」有應得情況，爾冬陞對此就有所解釋︰「人選嘅嘢好難，各花入各眼，同埋你好難叫一班做感性工業嘅人百分百理性，例如內部會知道哪一部戲拍攝時刻苦啲，可能同情分會多啲。有啲拎好多個（獎），另一個好多年冇攞，畀佢啦，但可能得獎部戲未必係表現最好。」
文雋便即時重提當年胡楓開玩笑的「序」有應得論。爾冬陞亦補充每個人想法會有不同，但大會已經將選民基數擴闊到這麼大，至少不會有漏弊及造票情況，不會因為小部分人的決定便影響到公正性。
教女難過做導演
節目到最後，談到主席近年的嗜好，除了潛水，就是跟女兒Teresa享天倫樂，當文雋將話題帶到去女兒時，也笑稱爾生的笑容立即變成幸福的笑容，爾冬陞亦不忘揶揄對方一句︰「我啲經驗都差過你好多，我係新丁嚟。」
但講到教導女兒，爾冬陞都直認是最難的工作︰「好難，難過做導演，生個仔都可以凶下佢，女冇辦法，投降！哈哈……」而節目亦立即公開爾冬陞女兒的近照，可見相當精靈，而臉相特別對眼跟爸爸十足餅印，精緻可人。
2018年一月，《香港01》獨家報道爾冬陞於58歲之年，女友替他誕下女兒Teresa，自稱是高齡新手爸爸︰「我會憂慮到佢識跑時我仲跑唔跑得郁，會唔會見到佢結婚呢？」口中憂心，但行動積極，是一個轉向的機會。「她不單為我注入新動力，更予我一個人生Reboot的機會，感受很深。我現在隔日就去跑步，我都冇諗過會有咁大動力。」
【獨家】爾冬陞老來得女父愛爆燈 「總會憂慮我仲跑唔跑到？」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
