張敬軒否認因觀眾叫囂黑面搖頭 讚圭賢自學《隱形遊樂場》超叻仔 #圭賢 #張敬軒

張敬軒昨晚（22日）為王菀之演唱會擔任嘉賓，今午他出席活動時，爆原來王菀之帶病上陣，又謂如果是自己開騷的話、應該已經取消了。軒公之後再爆未為表演綵排： ...

張敬軒昨晚（22日）為王菀之演唱會擔任嘉賓，今午他出席活動時，爆原來王菀之帶病上陣，又謂如果是自己開騷的話、應該已經取消了。軒公之後再爆未為表演綵排：「情緒同表演都好原始，真係一個行為藝術，尋日喺現場得我sound check，所以佢升上台時，先係我噚日第一次見佢，大家都係攞既熟悉又陌生嘅感覺去完成。」提到二人在培養情緒是，有觀眾在台下大叫，有網民上載片段，並解讀軒公「搖頭」為生氣，但軒公叫大家不要過份解讀。「我唔笑就會係黑口黑面，係我樣嘅問題，但我又唔係好受影響，甚至唔係好記得觀察反應，聽到有人叫但唔係好留意。」軒公又透露自己是強忍淚水完成演出，一來是怕喊完唱不下去，二來擔心喊得唔靚。

另外，圭賢日前公開自學《隱形遊樂場》過程，是靠Google 翻譯，軒公表示一開始以為對方有廣東話老師教授。「原來佢用Google 學到咁，真係叻到不得了。」他又指現在除圭賢外，成始璟亦是朋友，望下次到韓國時可與二人一聚。

本文作轉載及備份之用 來源 source: http://www.hk01.com

鍾意就快D Share啦！

下一篇 》