台灣女星陳妍希同內地小生陳曉共同發聲明官宣離婚，結束8年婚姻。隨住陳曉被傳出已有新歡，落寞嘅陳妍希亦為自己及仔仔「小星星」作打算，雖然二人指會共同撫養愛兒，不過以前多數都係陳妍希湊仔為主，如今仔仔何去何從成焦點。
如今小星星已經8歲，一直喺北京讀知名國際學校，以高品質教學着稱，唔少內地藝人都會選擇將小朋友送去呢間學校就讀，學費更會以唔同年級略有差異，由27萬人民幣（約28.97萬港元）起跳。有網友爆料小星星已由北京國際學校轉校，猜測佢會唔會跟媽媽陳妍希返台北繼續升學。
不過有網友分析陳妍希幾乎所有演藝工作都喺內地，包括同細19歲男星周柯宇拍新戲《狙擊蝴蝶》已煞科但仲未播、客串電影《雲邊有個小賣部》及實境秀綜藝《十天之後回到現實》，所以未來工作重心應該仍然喺內地，如果小孩子返台北讀書恐照顧不易，除非要託妍希媽媽照料，所以認為小星星留北京讀書可能性比較大。
事件持續發酵，陳妍希透過工作室發文澄清，表示：「孩子沒有轉學，依舊在北京學習生活，沒有所謂傳聞，請停止無端猜測，請停止一切惡意傳播。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
