片中所見，當時古仔與混血肥仔及丁丁，一起在泰國曼谷唐人街介紹美食。片中古仔就坐在車內聲控二人做任務，當時混血肥仔同丁丁試食胡椒豬肚湯的時候，古天樂就叫丁丁︰「直接喺你個口到，餵落肥仔把口到！」令兩個人瞬間嚇呆。古仔就接住說︰「我已經幫你搞掂離婚證書嗰啲嘢㗎喇！」有網民認為古仔一早看穿二人關係非比尋常。
古仔今日（21/2）以代言人身份，於圓方出席「法國葡萄酒品牌聖瑪仕Saint Mas 」法國高端紅酒品牌活動。對於混血肥仔疑背妻偷食事件，古仔接受傳媒訪問時表示︰「我諗私人事，就由佢私人去處理，大家唔好追問佢太多，畀啲空間佢。（網民話你神預言，知佢哋離婚！）我覺得摷到嗰段片嗰個網民先係神，當時我都係講笑啫，點知啫。真係話時話，啲網民都幾鍾意摷嘢。（肥仔有冇主動搵你訴苦？）我都話畀啲空間佢。畀佢冷靜吓，休息吓先。（會唔會畀啲錦囊佢支持吓佢？）呢啲私人事好難講嘅，同埋我都唔知可以講乜，只可以叫佢休息吓先。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
