話說眾人由「速食文化」開始一直拗，並衍生到男生第一次約出街便要求上香閨應如何應對，就此娥姐突然大玩懸念：「（你哋覺得）我有冇可能遇過吖？」隨即引起洶湧群情，娥姐亦爽快分享昔日真實經歷：「試過啦梗係！咪第一次約就話去你屋企喎，雖然我想啫。」隨即引發哄堂大笑，娥姐續說：「但係都唔可以架嘛，呢啲係女性嘅矜持，你都要了解條友有冇誠意架嘛，雖然靚仔啫！」6號隨即八卦追問：「佢拍過邊套劇先？」
娥姐Talk得又玩得
除了大爆真實經歷，娥姐還大晒超凡演技，拍戲資歷超過40年的娥姐以「喊戲」比喻感情時，竟於數秒內成功逼出淚光，隨即又搞笑地扮假喊炒熱氣氛，令森美亦忍不住拍案叫絕：「齋講都有戲」。娥姐還因聽到現場一位中學生的「壓力速食論」，母性大發對該名女同學一再苦口婆心勸說「我哋唔好畀任何嘢去影響到自己身體健康」，到底咩言論令娥姐咁感觸？除了talk得，娥姐亦相當玩得，當上親節目都愛搞事的6號，挑機式問娥姐：「娥姐，你呢個一定要識，奶油包你有冇聽過吖？」娥姐聞言一臉不屑回應，之後6號澄清其實是「懶人包」時，娥姐又忍不住焗蟹，相當搞笑。
6號激嬲森美？
不過「上得山多終遇虎」，由於今集有另一名愛生事的麥美恩參與，原本佔盡上風見人就玩的6號，最終成為麥美恩搞事對象，事緣在二人激烈爭辯期間，麥美恩忽然失驚無神向6號逼婚：「你冇一個承擔，你冇負責任呀6號！」林秀怡聞言即趁亂加入戰團：「做咩唔負責任，6號？」麥美恩見6號眼都反埋，隨即加多兩錢肉緊，並高舉無名指大叫：「承擔承擔承擔呀！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
