型男謝霆鋒胞妹謝婷婷自從秘密產女淡出幕前後，就一直長居加拿大隱世，從未公開另一半或愛女生父身份，更做足保密功夫，每次上載同愛女合照都遮樣，令人對此非常好奇。估唔到隨住佢日益活躍於社交網，佢亦趁今日（14日）情人節終於都大方公開另一半容貌，並留言：「Happy birthday to my forever Valentine（生日快樂，我永遠的情人）」原來佢嘅另一半為外籍大隻男子，爆肌之餘似乎同樣熱愛網球，二人企埋一齊明顯高過婷婷一個頭，同婷婷非常相襯。
婷婷嘅另一半又會陪住愛人齊齊湊女，又會以情侶裝上陣去主題樂園，似乎與婷婷愛得非常癡纏。雖然唔少網友留言恭喜婷婷，不過佢都係未有表明對方真正身份，只見對方身穿有加拿大國旗嘅衫，疑似為加拿大人，但仍未知二人到底係拍拖定係已經結婚，亦未知對方是否愛女嘅生父。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
