最近《痞子無間道》熱播，孖八在劇中飾演「巫大人」發揮搞笑細胞成功引起網民注意。近日，孖八食住個勢化身「巫大人」在社交平台分享影片，並搞笑寫道：「等大人带大家出省城買東西」。片中，孖八帶大家走進電視城的便利店，搞笑地跟店員笑說：「妳平身嘅？仲唔下跪？」作為電視城的店員，見到這些「古裝人」走來走去當然見慣不怪，但見孖八如此入戲，也禮貌微笑回應。之後孖八去到貨物架又攞起包薯片，笑言：「食薯片好過食饅頭啦，係咪先？」之後再去買飲品和雪糕，最後到「掌櫃」找數，整個過程甚有穿越味，十分搞笑。不少網民留言稱呼他「巫大人」，又讚他那集好笑外，更有人勁覺得孖八激似黃子華和森美混合體：「好拟（似）黄子華，又拟（似）森美」，可能連他自己也意想不到。
其實孖八背景非常有料，除了是王祖藍表弟外，更是街舞界數一數二的機械舞者，跳舞年資已有20多年，曾教過不少圈中人跳舞，例如陳偉霆及張致恒等，連張家輝拍《激戰》前也有找他上跳舞堂。近年孖八轉戰電視圈，代表作一定是《全城一叮》，創意十足的孖八在決賽當晚，竟想到將改裝了的「不銹鋼馬桶」擺上舞台，配以鬼馬舞蹈加演戲相當吸睛。一開始孖赤裸上身上陣，並除褲露出可愛的肉色狗狗底褲，身為Popping高手的他展現神級肚皮舞，肚皮極速蠕動嚇窒全場。玩到盡的他更突然跳落台整濕個頭，之後又拿着廁所泵裝落馬桶扮揸電單車，畫面搞笑兼過癮。忘我到跳甩鞋底的孖八，最終炸爆全場獲得 40分超高分，與同分的林子超齊齊獲得總台主寶座。
孖八賽後開心得到大家認同：「今次係第一次以藝員身份參加比賽，好感恩可以將自己鍾意嘅嘢搬上舞台，希望可以多啲監製、導演、PA 同埋觀眾認識到孖八，亦都希望未來喺演藝事業有多啲發展機會，特別係演戲方面，所以今次表演特別將演戲同跳舞融合，想大家知道孖八其實唔係淨係識跳舞！」此外，孖八也希望透過是次比賽，給女兒一個榜樣，鼓勵她勇敢去追夢。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
