今午，See Saw先率先推出周嘉洛版本的Mean Taxi，由於林浩汶的身份是粉絲，故嘉洛仔一上車，林浩文即七情上面對嘉洛仔讚口不絕，令嘉洛仔開心到口沫橫飛，二人言談甚歡。講了一輪，林浩文即開始「搭錯線」：「不過你個Partner演技真係要進修一下，佢成日扮周星馳，又懶搞笑咁，最慘係佢自以為自己好靚仔吖嘛！你靚仔show肌梗係冇嘢，佢又岩巉，又唔靚仔，show嚟巴鬼。」當嘉洛仔得悉原來的士司機唔單止認錯自己是朱仔，還對自己演技及顏值全面負評時，平時口若懸河的他足足「喲了」十秒鐘一臉老尷，並不斷捽頭捽臉排解尷尬，冷靜一輪決定將錯就錯，以「朱仔」身份「明踩暗幫」周嘉洛洗白，嘉洛仔「朱仔」上身謂：「我同意呀，佢都知自己唔搞笑架…你話佢扮周星馳，佢冇架，佢講嘢本身個tone都係咁，佢入晒血架。」最終嘉洛仔以「急屎」為由結束，時長3分14秒。片段出街不久，即有網民大讚嘉洛仔玩得值得加分，並笑言「書蟲」巧遇「金城安」很搞笑，並有人感嘆：「書蟲唔認得安仔」。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
