拉特克利夫想同費Sir「割席」。(Getty Images)
曼聯近年成績低迷，依家喺魯賓艾摩廉領軍下更「跌落谷底」，據報以老闆拉特克利夫為首嘅管理層，分析球會沉淪原因，認為傳奇領隊費格遜係罪人之一，希望同費Sir畫清界線，令曼聯唔好再留戀昔日嘅風光。
曼聯依家排喺聯賽第15位，周六(22日)作客2比2逼和愛華頓，費格遜都係座上客之一，不過據英國《每日鏡報》報道，曼聯老闆拉特克利夫同體育總監巴斯福特，認為費格遜係曼聯過去10年停滯不前嘅原因之一。
知情人士向《每日鏡報》透露：「佢哋(曼聯管理層)唔想再聽到曼聯之前點樣贏13次英超冠軍，亦唔想再聽咩向史上最成功領隊(費格遜)學習嘅建議，佢哋想同費格遜嘅輝煌日子畫清界線，唔好習慣性留戀昔日風光。」
據報曼聯管理層認為費格遜當年嘅古舊教練同球探系統，係曼聯落後畀其他競爭對手嘅原因，而正準備嘅下一波大裁員，球探部門將成「重災區」，拉特克利夫想用科學化嘅數據分析，代替傳統球探「靠眼睛」物色球員。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
