無綫花旦姚子羚（Elaine）近日盛傳脫單，與曾合作無綫劇《狀王之王》的「星二代」、徐少強和雪梨的兒子、今年42歲的徐偉棟發展姊弟戀。日前，2人被拍得於將軍澳酒樓飲茶，飯後更孖實返回女方的香閨。期間子羚高度戒備，出入都戴上口罩及左望又望，為剛萌牙的戀情而戰。
對於拍拖傳聞，姚子羚接受東網訪問時直認大家有發展空問，並不避嫌大讚對方是好男仔，表示：「有friend新居入伙，我哋一班人去飲茶，賀個朋友新居入伙。拍劇嘅時候識阿棟，咁阿棟都係一個好男仔，大家都有發展空間，佢係我傾得埋嘅好朋友。
徐偉棟回覆東網時表示：「首先多謝各位傳媒朋友關心，我同Elaine真係因為拍攝《狀王之王》而相識嘅，久唔久都會約埋佢同其他朋友一齊食飯，咁啱嗰日有朋友新屋入伙，我哋咪一班朋友出嚟飲茶之後去買啲生果，一齊上去house warming。」對於子羚認有發展空間，他亦不避嫌表示：「Elaine當然係一個好好嘅女仔嚟啦，大家畀啲空間我哋去了解下，多謝你哋呀。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
