家英哥又指當知道同兩位女神做節目，第一時間匯報給阿姐知道：「我同阿姐講同馮盈盈做節目，阿姐第一句就話馮盈盈好多嘢講，同埋好好身材。之後見到佢，我就由頭望到落腳，心諗邊度好身材，係咪阿姐呃我㗎？點解阿姐會話你好身材㗎？」馮盈盈接著說：「係因為我同阿姐好多時都喺台慶上合作，通常佢見到我都係着晚禮服嘅時候，而晚禮服係會突顯身材，變咗身材係唔同啲嘅。而你見到我嘅時候主要都係普通便服，所以係會好唔同。」
家英哥又提到同兩位女神合作相當有火花，直指馮盈盈牙尖嘴利，經常搶台詞：「唔應該講嘅又講囉，然後知講錯又會兜返囉。不過當中係有樂趣嘅。相反楓馨為人就比較謹慎，佢會聽完你講咩之後先會講，係好穩陣嗰種。」關楓馨笑言：「其實我嘅謹慎係對家英哥嘅尊重，因為我喺節目上都會叫佢做爺爺，點解會咁叫，係因為我爸爸同家英哥合作過，我爸爸做佢兒子，變咗我爸爸一直都會叫家英哥做爸爸，變咗我一直都會叫家英哥做爺爺。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
