無綫劇《奪命提示》由陳山聰、張振朗、劉佩玥及劉穎鏇（Tiffany）等演出，劇情緊張刺激有張力，當中劉穎鏇一身性感打扮拍攝多個動作場面更係引人入勝，成功入屋。最新劇情講到劉穎鏇同張振朗演苦情喊劇，劉穎鏇演出入目三分感動觀眾，同張振朗嘅情感拉扯真摰有力，有網民更表示睇到爆喊，二人演技備受肯定。
不過場戲演得再好，總有網民睇錯重點，竟有網民出Post指劉穎鏇疑有脷苔，留言抹黑：「救命，劉穎鏇的舌苔太讓我出戲了 劉是太濕熱了嘛？她這段哭戲 我的焦點都在她的嘴巴裏…」其他網民亦多口稱戥對手張振朗慘，可能要硬食對方口氣。眼見拍檔被無理攻擊，即引得張振朗本尊出手護花，佢霸氣留言：「放心，沒有，很香和清新☺️」簡單幾隻字已完美反擊haters，禮貌又體面地回敬片面之詞嘅網民。
本文作轉載及備份之用 來源 source: http://hk.on.cc
|
鍾意就快D Share啦！
|
