王晶日前突然在微博怒罵姜濤,雖然改口姜濤冇錯,但斥師奶粉絲害偶像,不時與王晶有合作的田啟文,今日出席「黃埔新光」記者會時,被問到王晶此舉是否欠缺風度,他說:「我睇到標題想撳入去睇時,佢已經刪咗,所以唔知佢講咩,但個標題係幾嚇人。我覺得晶哥有佢嘅立場,我個人會覺得要寬容啲,呢個行業係要包容性強,同埋鼓勵,唔會有人天生係天王巨星,總有一個過程,我哋呢個行業要互相鼓勵。」