龐卓欣2019年與拍拖6年的有米男友孫智威（Solomon）分手，同年再戀上金融才俊男友Patrick，更曾為男友大搞奢華吞拿魚壽司生日派對。有樣有身材的龐卓欣，原來讀書時期曾因失戀出事：「想同你哋分享點解我依家咁注重食得健康，我大概中三嘅時候失戀，我鍾意嘅男仔鍾意咗第二個女仔，嗰個女仔出名腰好瘦，所以我想靚過嗰個女仔，就令到我開始唔食嘢，慢慢就有厭食症。」
現時106磅的她，當年只有98磅：「全日只吃一個蛋白、一杯乳酪及一個麥包，放學後在跑步機快步行3小時，但當時人變得非常暴躁。當時做完Gym，媽咪就整咗啲燕窩畀我食，我夾硬食，我食到有少少甜味，我問媽咪係咪落咗糖，佢話係，落咗少少，我就癲咗好唔開心，當年冇得食嘢，個人好唔開心，成日將情緒發洩喺父母身上。」
厭食症維持了3、4個月，後來卻演變成暴食症：「因為真係好肚餓，終有一日係克制唔到，所以厭食症之後，係會暴食症，我同自己講，食完呢餐，聽日就減肥，所以我就不停塞自己食嘢，食完又好內疚，就會想扣喉，好在我扣唔到喉，有幾次想扣都扣唔到，咁係好，否則我會更難康復。我係幾日唔食嘢，幾日又好暴食，一直都係咁循環。」她續指這個情況維持了一年，直至後來到美國讀書才逐漸康復。
本文作轉載及備份之用 來源 source: http://www.hk01.com
|
鍾意就快D Share啦！
|
