沈震軒今日（4/3）現身沙田出席《全城狗狗行善日2025》活動，就事件接受《香港01》訪問時表示：「其實都好感恩新聞出咗之後，見到大家嘅支持同鼓勵，而且見到外界嘅反應都好正面，自己係估唔到，因為自己一向都好低調，加上呢件事都唔係咩特別嘅事嚟。而我早前喺片度都講過，最緊要係正能量，因為近來都見到新聞，好多人都突然咁走咗，同經濟方面都有變，咁所以我嘅新聞係一個正能量都係一件幾好嘅事嚟。」
至於有網民擔心他做網約車有可能誤隨法網，沈震軒表示：「其實呢個問題唔係我去諗，而我喺呢方面唔會講太多，同埋網上嘅嘢，大家就當娛樂新聞去睇，確實我要講嘅嘢都喺條片度都講咗，咁反而大家應該集中放喺正能量度，大家健健康康解決自己嘅問題。」
本文作轉載及備份之用 來源 source: http://www.hk01.com
|
鍾意就快D Share啦！
|
