不過有網民在其post下留言，惡言相向指：「比你呢啲奀星去攝下時間姐。其實你連更奀星都唔係，只係無知名度的臨記」，不過黃浩霆夠EQ，只回覆了一句：「有得攝好過冇得攝」。
黃浩霆加入演藝圈已經第16個年頭，在2009年參加商台選秀節目《十人巷》入行，其後得以參加森美小儀歌劇團，之後參加HKTV第一期藝員訓練班，在港視拍過不少劇集，港視不獲發牌後自己做埋自己經理人，除了接廣告外，更轉往內地發展。
黃浩霆早幾年在內地發展，其實也算順利，除了拍下兩套劇集，也有出演不少綜藝節目，在張栢芝主持的內地節目《女神的選擇》中陪栢芝入廚煮餸，他也坦承搵錢不少。但黃浩霆選擇重新返回香港，加入TVB訓練班，他曾接受訪問時表示：「內地人工都真係多好多，並且工作嘅機會都比香港多，如果有機會長做，可以快啲令家人早啲退休，但始終香港係自己既根，廣東話係母語，想拍多啲港劇比香港觀眾睇，希望有一定成績才諗會唔會有機會去其他國家發展。」
本文作轉載及備份之用 來源 source: http://www.hk01.com
|
鍾意就快D Share啦！
|
