藝人陳懿德近日為無綫主持節目《寵你一世》，開工拍攝寵物節目，最開心莫過於可以帶自己的寶寶一齊開工。陳懿德的愛犬名叫兜兜，剛剛一歲大，是一隻白雪雪的比熊犬，最叻是不聽從媽媽指揮。陳懿德接受訪問笑說：「今次係我第一次帶埋狗狗一齊返工，因為我隻狗狗嘅技能就係冇技能，佢甚至連自己個名都唔識聽，所以今次開工係有史以嚟最辛苦嘅一日，因為佢唔識聽，連我叫佢都唔知，哈哈。」
節目中陳懿德要與愛犬一齊接受不同的互動體驗，包括要與兜兜一齊做瑜伽，結果引發混亂場面，她笑說：「我哋要一齊做瑜伽，自己做瑜伽已經困難，仲要控制住佢，結果係場面大混亂，哈哈。」雖然與兜兜一齊開工相當疲累，但也攰得開心，工作於娛樂，她說：「大家都覺得兜兜好得意，好鍾意佢，希望將來又多啲一齊工作嘅機會，佢又可以幫自己搵啲零食錢。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
