內地女星趙薇去年底宣布與前夫黃有龍離婚，二人育有15歲女兒「小四月」，早年愛女喺香港讀國際學校，一轉眼佢已經去到瑞士留學，更同時下年輕人一樣愛玩社交網，努力拍片谷網上人氣。見佢喺社交網多上載自拍片，包括喺學校宿舍跳手勢舞，低調求學嘅佢就遺傳咗媽媽一雙大眼睛，不過就被批長相普通，仲滲出陣陣網紅味。
由宿舍環境見到，內部陳設樸素，周邊自然風光優美，小四月拍跳舞片時自信鬆弛，身形高挑纖瘦，更獲網友大讚有幾分似頂流小花虞書欣。依家佢一家遠離娛樂圈喧囂，未有借媽咪光環行明星路，但見佢熱愛自拍靚樣，令網友期待佢將來有機會進軍演藝圈。
而「復出無望」的趙薇就樂得清閒，不時遊山玩水，最近她被網民捕獲於大理一間餐廳跟友人用餐，繼續過住悠哉悠哉的生活。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
