近日馬志威大方認愛COLLAR經理人戴穎，但作為男子漢，當然希望在事業上大展兼腳，事業愛情兩得意。然而，在市道不景的情況下，其人氣和工作量似乎無以為繼，馬志威不諱言精神狀態其差：「尤其影視行業，市場萎縮，產量不夠，導致很多影視工作者欠缺工作機會，本人身同感受，有好幾個晚上，驚到瞓唔到，怕到瞓唔着，恐懼來自未知，對前景嘅迷惘。」
不過，馬志威分享了兩段小經歷，在他迷惘及自我質疑之際救了他一把。他說在街上泊車時遇見Fans，對方認得出他，更跟他合照和送上真誠支持，該名陌生Fans鼓勵馬志威：「加油啊！我好鍾意睇你做戲，你好正，繼續努力」馬志威說雖然當時自己只保持一貫微笑，但內心其實非常感動，因為原來有人喜歡睇自己做戲，原來還有人。
他另外再分享一位前輩演員對他的鼓舞，對方向馬志威認真說：「你得㗎！馬仔，頂住呀！千祈唔好轉行，香港點會唔得？我話俾你聽一定得」馬志威深受感動，成功燃起他心中演藝的一團火，他感謝那位前輩與該陌生Fans，坦言：「永遠唔好睇小每一句說話，因為你唔知道呢句說話對嗰個人有幾重要，縱使那位哥哥與我素未謀面，但我衷心的多謝他願意支持我。」
馬志威又將正能量分享給其他網友，他說：「我天生比較悲觀，想法也較灰暗，但最近遇上的一字一句，也成為我咬緊牙關堅持下去的理由，所以千祈唔好吝嗇你心中嘅想法，你鍾意一個人欣賞一個人你要講俾佢聽，唔好收埋係心入面呢個世界，每個人都不容易，我諗我哋只能夠做嘅都係努力做好自己，唔好令支持你嘅人失望，加油。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
