張松枝今日（19/5）現身將軍澳電視城出席無綫新劇《刑偵12》宣傳造勢活動。張松枝接受《香港01》訪問時表示：「其實我13年都冇拍TVB嘅劇，今次返嚟 ...
張松枝今日（19/5）現身將軍澳電視城出席無綫新劇《刑偵12》宣傳造勢活動。張松枝接受《香港01》訪問時表示：「其實我13年都冇拍TVB嘅劇，今次返嚟令我諗起好多回憶，而今次我演嘅角色，只能夠講我係一個好人，同埋係一個好有正義感嘅人嚟，變咗喺劇入面，有7成嘅動作場口係包攬晒，體力上我仲可以應付到，不成問題。」
提到好友艾威老婆Lisa日前等不及換肝病逝，終年61歲。張松枝感難過：「其實有呢個消息，大家都好唔想。因為大家都知道佢哋兩公婆係好恩愛，同埋大家都知道佢太太持續咁病，病情亦反反覆覆。咁我希望威哥睇開啲，我哋繼續喺演藝圈做返啲成績，俾上咗天堂嘅太太得到安慰。（收到呢個消息，有否慰問艾威？）冇呀，因為唔敢打擾佢，想等呢段時間過度咗先，同埋俾啲空間佢，等佢可以慢慢咁消化，因為都知道佢應該有身後事要處理，咁所以都唔想打擾到佢。」
無綫新劇《刑偵12》宣傳造勢活動。（陳順禎攝）
![]()
![]()
![]()
![]()
![]()
