歌手周永恒（Roy）早前在送外賣期間，涉嫌在天水圍行人路使用電動單輪車（俗稱風火輪）期間，被多名執法人員截停及撳地制服，以「沒有第三者保險而使用汽車」及「在行人路上駕駛」拘捕他，獲准保釋候查，5月中返署報到。
自爆因惹官司而失去外賣員工作的他，近日轉職任裝修工人，在網上分享在單位內的裝修情況，他說：「我哋好Old School，冇話喺網上買組件，全部都係人手由零開始做，嚟緊會分享多啲片畀大家知點製作，等大家了解我多啲。」之後穿上保護衣及眼罩進行噴油的工程。
Roy接受訪問時表示跟兄弟班組成公司做裝修工程，工資不算多，每日約1,000元左右，又說：「希望大家畀工作機會我哋呢個圑隊，香港依家市道好差、好難搵食，想搵多啲錢養屋企。」除了裝修，他亦擔任網上節目主持，與音樂人因葵拍片玩音樂，因葵表示：「本來呢個節目想搵Roy嘅親叔叔做，但佢好似對我哋有啲誤會，所以由我代替，其實我哋都想同佢溝通嘅。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
