藝人吳若希（Jinny）、曾展望（GM）及導演火火主持的無綫節目《奇情谷》，昨晚（10 日）主持曾展望跟葉蒨文的新聞繼續成為網上熱話，昨晚的有獎問答遊戲部分，亦安排由 GM負責。問題假設為「如果GM暗戀嘅女仔向佢出櫃，GM會有咩反應」，並提供4個答案選擇。GM 給觀眾貼士時，藉機表明心迹︰「首先，我係冇暗戀嘅對象……」一旁的火火搭嘴說︰「依家明戀（葉蒨文）吖嗎。」GM 毫不避諱說︰「係，係明戀。」借《奇情谷》公開放閃，趁機向對象示愛。
昨晚Chatroom繼續有網民留言撐GM加油，他的頭像stickers海量湧現，到節目完結共錄得破紀錄89萬個stickers。在節目尾聲的「代您傾情」環節中，再讓GM傾訴心聲，他為支持自己的觀眾打氣說︰「真係好多謝大家，因為你哋我先有呢30秒表達感受，無論係求愛過程或者呢個節目，觀眾都好錫我、好幫我，我會畀心機做好所有嘢，感情同工作都係，嚟回報大家。另外，我想用自己例子話畀大家聽，我得你都得，我都為大家加油，一齊努力。」場面溫馨感人。
此外，昨晚主題「Lesbian的異世界」，請來「奇情嘉賓」蘭姨分享女同志的感情世界，並帶來一個被背叛的同志故事。蘭姨跟JJ為中學老Best，雙方都清楚對方女同志身份。JJ 外形偏男性化，高高瘦瘦屬口花花自信型有一名相識 10 多年任職空姐的正印，二人合資買了一層樓歸JJ名下。蘭姨表示早年陪JJ買周年慶祝禮物，以為對方好事近，她說︰「同佢去咗某名店買戒指，仲要買一對，以為佢用嚟求婚，但等咗好耐都無佢哋訂婚消息，於是我去問佢。」JJ毫不避諱自爆出軌，一對戒指是正印、小三各一隻。JJ解釋出軌理由是一齊太耐好悶，生活沒有激情。但最爆的是對象竟是名有夫之婦，JJ非常自豪能拗攣人妻。
每到大時大節，JJ都會分開帶兩人跟屋企人食飯，蘭姨說︰「因為屋企人好錫JJ，所以都配合佢。」去年空姐跟朋友外遊，卻提早一日回港準備給另一半驚喜，卻撞破JJ拖住一名女孩子行街。空姐自然大興問罪之師，有恃無恐的JJ已預了分手並和盤托出，令人驚的是該名對象並非人妻小三，蘭姨說︰「竟然係名小四，原來人妻已經慢慢 fade out，位小四原本都係直，JJ鍾情拗攣直女覺得好有成功感。」最令蘭姨氣難下，是老Best JJ竟然霸佔愛巢跟小四雙宿雙棲。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
