記者提到兒子一個人去外國讀書是「風流快活」，張繼聰就表示，會時常提點他學費開支很大：「我諗住遲啲影定啲表格，影住啲學費。即係大學生最大嘅興趣就係走堂，覺得每次都好free可以走堂，但係你要睇睇張學費，除返開幾多錢一堂。咁你就再諗吓爸爸平時返工幾辛苦。唔緊要，你想走咪走囉。」他表示，早前有嘗試讓兒子體驗打工，做他的助手的助手。「企喺度跟出緊入，都開咗幾日工，俾佢知道我做唔同嘅嘢，拍戲，廣告，影相，做訪問，開會，開騷，佢都會跟埋佢。（有人工？）梗係有啦。（時薪有幾多？）除開可能唔係好高，唔係好多錢囉，不過已經好多啦。」
談到兒子的工作，張繼聰表示兒子會幫他「拎袋」，有時亦會做斟茶遞水這些工作。張繼聰一路說，謝安琪則不經意流露出羨慕的表情，記者提到謝安琪可以高薪挖角時，她說：「畀多少少錢。」張繼聰笑言：「我出幾多，你出多一蚊！」
談到湊仔經，張繼聰又分享，當他們分享與兒子的互動時，會令兒子被同輩開玩笑。他們則說以後問准兒子後才分享。做爸爸的張繼聰又趁機分享做人處世之道：「我都同佢講，唔緊要啦，男仔同輩一定有啲bully，係咁樣㗎啦。我直頭係被bully界KOL添啦。我俾人搞咗幾廿年咪一樣生勾勾，我話唔使驚嘅。」他說，最好的教育方法就是以自身經歷分享。
問到張繼聰謝安琪的演唱會進度如何，張繼聰就回答：「第一日已經準備好」他表示，很感謝買飛的樂迷的支持：「公布開騷之後好快就賣晒飛。」
他又說道，近年才開始愛上與太太謝安琪一起工作。「而家就開始enjoy同太太一齊做嘢，後生嗰時，都唔好話合作，成日俾人講嘅時候，實會有嗰種自尊心，但係可能個人真係成熟咗。我係真係靠老婆。（而家冇自尊心？）
本文作轉載及備份之用 來源 source: http://www.hk01.com
|
鍾意就快D Share啦！
|
|
|
