熱爆娛樂: 《愛．回家》重要角色北上拍片　激讚深圳寶安機場又大又靚 #《愛．回家》

2025年6月8日星期日

《愛．回家》重要角色北上拍片　激讚深圳寶安機場又大又靚 #《愛．回家》

64歲的藝人鍾志光，近日進駐小紅書，拍片分享自己的生活點滴，而最近鍾仔就同太太去昆明旅行，而他先到深圳寶安機場出發，大讚機場又大又靚，而且他的旅費只需3800元，甚為抵玩。不過由於鍾仔在《愛．回家》佳叔的角色深入民心，不停被問關於初戀Café的問題，令人哭笑不得。

鍾志光在1980年代入行，早年為TVB體育節目評述員，近年多出演電視劇，其實鍾仔「張張刀，張張利」，他先後獲得葛量洪教育學院體育文憑、香港公開大學人文學科榮譽學士、香港大學中國語言及文學碩士及香港中文大學哲學文學碩士，並於2024年獲香港教育大學頒發榮譽院士銜，而在TVB的頒獎禮，他更榮獲「萬千光輝演藝人大獎」。近日鍾仔去了深圳寶安機場，準備飛去昆明旅行，大讚機場又大又靚，但網民不停問他「大龍生有冇批假」、「初戀Café有冇開門」等等，可知佳叔形象已經入晒血，深入民心。