「係需要自己做得更加好，先值得俾人睇到」
每集《人生美食地圖》，藝人主持都會跟陳方藤大談人生點滴。阮浩棕憶述當初入行時，一度覺得自己懷才不遇：「當其時心雄吖嘛，覺得自己得啦嘛，但係當你見識多咗就發現唔係咁。」阮浩棕續指當年在內地發展的第一天，即需要拍攝喊戲，這一件亦讓他深刻體會到自己的渺小：「睇完劇本我係有感覺嘅，我都會好激動，但係到埋位時，我喊唔到。」阮浩棕又指當時同劇另一演員，不但喊得出，而且更控制好每一take都在同一個位置流下眼淚，就此阮浩棕感嘆：「我望住佢係覺得點樣可以做到㗎呢？佢大我一年㗎咋喎，但佢領先咗我好多；即係我唔係懷才不遇，只係我都未去到嗰個位、未有呢個實力…係需要自己做得更加好，先值得俾人睇到。」Meter聽畢即要求近年演技已獲肯定的阮浩棕挑戰即場流淚，結果阮浩棕成功於8秒時間內流出真‧眼淚，令Meter為之驚艷，甚至連拉麵師傅也忍不住搞gag讚嘆：「好味到喊」。事後，阮浩棕貫徹謙虛本色謂：「識喊唔代表好戲嘅，喊係演戲其中一part。」
今晚（20日）播出的最後一集，陳山聰將返回東京與Meter及阮浩棕集合，三人在美麗的櫻花樹下Re-U！想知道三人重聚後會有甚麼精彩的體驗，一定要鎖定今晚播出的最後一集喇！
本文作轉載及備份之用 來源 source: http://www.hk01.com
|
鍾意就快D Share啦！
|
|
|
