而提到其與Tiger(邱傲然）等主演的音樂劇《三·八》深受歡迎，被觀眾發現在最新一場演畢時眼泛淚光，對此她就表示：「其實我每一場都有喊，可能後排嘅觀眾會睇唔到。當我去投入嗰個情緒嘅時候就會好自然咁喊，（演一場少一場會唔會好唔捨得？）好唔捨得呀！我哋日對夜對，但係幾日後就完，會好唔捨得。（驚唔驚最後一場結束時，大崩潰喊？）好驚，真係會好唔捨得。」
在音樂劇中，姚焯菲飾演一位渴望戀愛的女生，並有主動追求Tiger的戲份，問到主動追男生是不是很困難，她就表示：「我覺得一開始係有啲困難，好唔傳統呢件事，唔係好我嘅性格。（現實生活唔會主動追男仔？）我比較被動，（如果遇到好鍾意嘅人呢？）我對呢一方面唔會咁衝動。」她又激讚Tiger帥氣，是一位非常聰明的男生。
另外，提到好姐妹炎明熹現身撐場，她非常開心：「好surprise。」當提到有沒有跟對方談起有傳她簽內地公司一事時，她二話不說：「我哋冇傾到咁詳細，（有冇多啲聯絡最近？）呢排比較少，（知唔知道佢而家動向係點呢？）我都唔係好清楚呢樣嘢。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
