MIRROR人氣王Anson Lo坐擁130萬粉絲，以為他甘願為「神徒」守齋7年，但原來獨身另有原因，而明年踏入30歲的他終於心絲絲望「脫單」，激罕公開選「教主夫人」條件，又謂力求360度轉變，不排除成為「古天樂2.0」，告別雪白膚色，升呢為「暗黑教主」。
男圑MIRROR成員Anson Lo（AL、盧瀚霆）推出本年度第2首新歌《你都有今日》，在MV中大玩制服誘惑化身「最帥護士」，藉着歌曲看透人生，為病人的悲離離合流下真眼淚。談及入行7年，名利雙收的他卻獨欠愛情，身為「萬人迷」的他竟自爆「冇人追」，更剖白當頂流之苦：「我發覺嘅生活有9成都係工作，身邊人對我好有友善又禮貌，咁大家之間就好似有一幅牆咁，唔好講拍拖，連識個MIRROR成員以外嘅朋友都難，加上我慢熱嘅性格，失去好多識朋友嘅機會。其實我想過24歲拍拖，25歲生BB，但我就快30歲，錯失咗好多嘢。」
問到他可有追求者？他秒答：「冇呀，不過我都幾難追，未入行前就易啲。」直認如遇心儀者都想拍拖，更不排除公開戀情。至於心目中「教主夫人」條件亦相當簡單，他說：「體貼，或者係好嘅聆聽者，最重要係孝順，因為我好重視家人，對方嘅樣、身材同經濟環境唔係最重要。」談及可為「神徒（粉絲暱稱）」單身？他直言：「我應該唔會，因為佢哋只想我開心。」更已視「神徒」如家人，不時收到窩心私訊，譬如：「多啲飲水」、「希望你今日過得好啲」。
笑問他難識新朋友，「神徒」可會近水樓台有機會成為女友？他笑住說雖然「神徒」不停在口頭及文字上，又經常送禮及寫信向他示愛，可是由粉絲變情侶的可能性近乎零，他說：「應該唔會，我冇呢個想法。」談及「神徒」瘋狂愛他，可曾被狂迷的「大膽」行為嚇一跳，他則謂：「以前聽過好多前輩遇過好多粉絲嘅奇怪行為，但暫時我未遇到，可能我入世未深，我都想試吓，人一世物一世，呢啲係經歷。」
回望過去7年，Anson Lo感恩付出的心血及時間可換來演出機會及高曝光率，展望未來，他力求全方面轉變，直言：「人大咗，氣質都成熟啲，我可以Carry啲男人啲嘅角色，烏歪啲、留鬚、長頭髮，或者我去曬燈變黑，接受突破嘅角色，否則好難去到另一個Level。」至於姜濤自爆尚有3年就滿約，令外界擔憂男圑面臨拆夥，他個人最想保持現狀：「我希望續約，想同12子繼續落去，亦可以單獨發展，（或者單飛發展更好？）圑體同單飛可以相輔相成。」
除對隊友有情外，Anson Lo亦感激張繼聰教他放鬆，自爆兩年前壓力太大，除怕踏上舞台，更試過在排舞室綵排時，當住11子面前驚到喊，但現時已跨過這個人生課題，學會work life balance。
Makeup：Rainbow Chung @Annie G. Chan Makeup Centre
Hair：Denny Ku @Chic private I salon
Venue：Lubuds Group, FWD House 1881
本文作轉載及備份之用 來源 source: http://hk.on.cc
|
鍾意就快D Share啦！
|
|
|
