事件令混血肥仔形象受損，有份主持的《香港達人秀》延期至今仍未播出，不過混血肥仔已逐漸在社交平台「上水」。原本以為風波已暫告一段落，想不到混血肥仔與丁丁竟被發現同遊越南。事緣有越南YouTuber拍下與兩位女士吃飯的情況，地點在室外，而混血肥仔及丁丁竟突然在後面路過，片主不以為然，讚丁丁靚女並說了句：「美女啊，桃花眼睛啊，哎呀真不錯啊，長的真的不錯啊，巴拉圭牛仔裙那個啊。」令越南少女都擰轉頭望了她一眼。
片段所見丁丁與混血肥仔並肩而行，女方身穿背心牛仔長裙、男方身穿運動T恤牛仔褲，並拎住一袋二袋。短片在網上瘋傳，網民留言：「捉到正」、「你們拍到香港網紅偷情😂」、「咁都影到，好波」、「咁真係天意 丁丁之前個聲明仲話最後沒有發展」、「估唔到喺咁既片俾人認到」、「好X癲 真係人在做天在看」、「啱啱先IG試緊水溫，又要深潛過了。」而香港網民認得出，混血肥仔在片中的髮型及身穿的T恤，與他昨晚（2日）晚上在IG限時動態的自拍照屬同一件，質疑是近日的事；不過亦有人指，他與丁丁在片中並無拖手等親密行為，不足以證明什麼。
而混血肥仔火速在IG回應，他貼出自拍照，寫下：「唔出聲又會俾人老作，上星期放假同幾個朋友去越南玩幾日啫，我已經返到英國了，咁都俾人影到真係笑死。之前已經有好多報道做成好多傷害，好多人可以講好多嘢落井下石，好不容易大家走出了情緒低谷，唔一定要支持嘅，大家繼續好好生活就可以了。」混血肥仔亦轉發了另一「證人」的限時動態，好友Panda貼出在越南一間餐廳的黑白環境照，寫著：「唔知講咩好，但誠意推薦呢間嘅蛋咖啡，好！好！味！啊！」並標註了混血肥仔和丁丁，似乎是想力證一對緋聞男女並非單獨出國。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
