蔡瀾與鄭裕玲講到做人處世的話題，鄭裕玲就表示不認要求別人做多少事或做到幾多分，因為自己在別人眼中也未必是100分，亦可能只有50分。話鋒一轉，蔡瀾用手輕拍自己的臉頰，然後問：「做呢啲嘢係咪有癮嘅呢？」
鄭裕玲想了一想回答：「嗱，我有啲朋友真係有癮。即係改造咗之後，又執吓呢樣執吓個樣。我諗可能係，一嚟冇信心，而你真係有鋪癮。我又唔反對整容，我又唔係好反對，整咗出嚟加強自己信心，周圍見到你又覺得你靚咗，但係呢個就係品味問題，點樣先至係夠呢？去到邊度stop呢？」之後，鄭裕玲又反問蔡瀾：「聽講你以前大團去整容喎。」
蔡瀾回答說：「唔係唔係，我帶好多電影明星去整容。嗰時有個大機構：『呢度有個新人，你同佢整吓呢度啦。』嗰度唔好又整吓嗰度，或者有啲人年紀大咗啲，就咁囉。」鄭裕玲再問：「咁佢哋自唔自願㗎？」蔡瀾回答：「有啲自願，有啲仲好歡喜添，有啲年輕嘅就唔知道，公司話乜就乜囉。」
鄭裕玲再問：「咁整容費係公數？」正在歎靚酒的蔡瀾就一邊飲一邊點頭：「唔唔唔。公數㗎，以前明星一簽就簽8年。係呀，飛機飛到日本，住呀，出嚟⋯⋯有一個整完瞓，瞓歪咗⋯⋯」鄭裕玲一臉震驚：「哎呀，又要再整過？」
之後，蔡瀾又表示，隨年紀增長成熟和環境轉變，其實一些明星長大後也會變靚，他說：「又唔一定要整。」鄭裕玲笑言：「有冇送一個折扣畀你？」蔡瀾：「佢話送一個下巴畀我。」鄭裕玲：「你唔愛（要）？」蔡瀾：「我愛（要）嚟做咩？」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
