藝人葉蒨文（Sophie》與曾展望（GM）的「MC CP」憑真人騷《女神配對計劃》人氣急升，昨晚（22日）播出第3集，曾展望與葉蒨文Fine Dine不但吃出溫馨、浪漫又熾熱的愛火花，還吃出了醋意，原本獲一致睇好抱硬美人歸的GM，在首輪約會中竟因過度表白及太過進擊，令葉蒨文好感度不升反跌，加上殺出與葉蒨文三觀一致的「程咬金」林澤謙（Him），令GM在Fine Dine遊戲中只勝出一個回合，未有足夠時間好好表達愛意及與Sophie交流，最終更只能眼白白看着Sophie與阿Him共度甜品時光。
GM得悉自己在首輪約會中落敗後，主持林盛斌（阿Bob）一臉失落兼頹到眼定定的GM，先是有口難言地吞了一大啖口水，再強顏歡笑望向阿Bob，欲言又止，與平時口若懸河的他判若兩人。最終GM也未能即場說出自己的感受，事後他表示：「睇住自己鍾意嘅女仔揀咗第二個，對自己有啲失望。」GM的失落就連花生團亦為之動容，江美儀更忍不住一再感嘆：「GM真係慘喇，眼淚在心裏流睇吓佢。」
GM昨晚一集火力全開力追女神，但GM真摯又脆弱的「我不懂拍拖」剖白，加上透露自公開表白後自言對Sophie更堅定，稱不會放過任何一個機會去捉住她，以及醋意大發勸阻葉蒨文買咖啡給其他異性，追求火力似乎過猛，反而令Sophie有壓力，有點卻步。她接受製作組訪問坦言招架不住：「其實我招架唔到，好似好快囉，我唔知點反應…我鍾意咁深情、有一種偏愛嘅感覺，但係第二次見面咋喎，其實我哋都有好多價值觀嘢未傾過，就要我承諾一啲嘢，我就會覺得有啲壓力。」
Sophie雖然在節目中似乎對阿Him表現得相當有興趣，也對於GM的急進攻勢吃不消，但似乎最愛仍是GM，去到彩蛋環節揭曉「保護名單」，她想保護的人始終是GM，加上Sophie揭出GM兩字時的甜蜜笑容，「MC CP」絕對依然充滿「緣」機，她說：「咁我本身已經對佢有啲好感，咁跟住見到佢上次咁勇敢咁過嚟參賽，我係好想同佢有機會相處同了解多啲，所以我揀咗佢。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
