台灣女星小S（徐熙娣）今年初痛失家姐大S（徐熙媛），傷痛下工作全面暫停，亦停止更新社群動態，最後一次貼文係紀念大S離世百日。尋晚（22日）佢終於再次更新動態，為幫二女兒Lily（許韶恩）宣傳首場個人畫展。
本月係小S生日月，14日係佢47歲生日，第一個失去大S陪伴嘅生日，仍未走出喪姊之痛嘅佢，喺女兒、親友祝福之下低調過生日，自己並未有任何貼文。而尋晚佢突然更新限時動態，轉發女兒個人畫展宣傳影片，但只有轉發，並未留下任何文字，亦未有開放回覆功能，似乎希望唔好有過多打擾。
Lily畫展宣傳影片中，見佢拎畫筆專注作畫，沉浸於自己世界之中，表示希望大家會鍾意自己用畫筆勾勒出嚟嘅小角落：「創作就像是在一片空白中，一點一滴的建造自己。」畫畫過程中令佢更加認識、了解自己，又坦言第一次舉辦畫展相當緊張，緊張到發夢都係畫緊畫。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
