談到早前李蘊與前夫羅章冠合體跟女兒慶祝生日，她解釋：「我哋唔係仇人，始終係小朋友爸爸媽媽角色，唔會大家唔可以合照，會有一家人合體嘅時間唔係分開就有你冇我。」她表示子女亦知道父母離異，認為現今世代好普遍。
對於前夫在網上撰寫文指被背叛、被傷害，甚至暗示有人出軌，她說：「每個人情緒都會有唔好嘅時候，可能係有啲衝動，但係好多嘢係唔需要向全世界人交代，有嘢自己知就可以。」是否涉及第三者，她猶豫一回說「呀…唔講嘞，唔講以前都過咗兩年幾，依家OK。」
離婚後，李蘊由廣州大屋搬回香港娘家住公屋，對於被質住公屋是否合資格，李蘊表示一直有跟程序申報，而自己一直沒有除名，問到房署有沒有主動聯絡，她說：「呢啲我哋自己溝通啦。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
