歌手謝安琪（Kay）本月中將與老公張繼聰，首度以夫妻檔在澳門開演唱會。不過開騷前夕，今指Kay在去年初曾患上重病，兼被緊急送入醫院接受手術。但為怕朋友與粉絲擔心，所以患病一事只向幾位閨中密友知道。有Kay在完成手術後，一直十分擔心會復發，如今情況穩定加上經歷生死，更為珍惜身邊人，人前人後與張繼聰都十分恩愛。而小休復出的她，剛好今年是出道20年，故有意開紅館騷，打算奪回樂壇一姐的地位，惟多次入紙都不獲批。
而她的老公張繼聰今日（10日）和任達華今日現身汽車活動，提到傳出Kay去年初患重病入院動手術，他澄清老婆好健康並沒有入院，他表示這幾年，流感較多，小朋友都睇開該醫院：「太太之前腸胃炎和爆微絲血管，我就有椎間盤突出症去照過，出入醫院都好正常（Kay有冇動手？）冇做手術，唔使擔心，有朋友和Fans好擔心，老婆冇間斷出現幕前，好健康唔使擔心。」表他示隨着年紀大感受愈深，覺得身體健康、活得開心好重要，所以飲食會檢點，自己睇完就算，反而被影到的同事就不大開心。問Kay有沒有不開心？他說：「我同佢講唔使擔心，一笑置之，希望Fans和朋友唔好嚇親。」
他指太太肺部較差，以前成日爆肺，又中過流感，咳容易聲帶受損，影響唱歌聲沙，他覺得做歌手耐喉嚨肌肉有機會退化，所以近年跟唱歌老師學習發聲，鍛煉新唱法。但對Kay被指爭樂壇一姐之位，他笑指不要說成「宮心計」般，並加以澄清，直言Kay以前都攞過好多獎，後生時事業衝刺，現在心態喜歡提攜後輩，不同階段有不同目標，這是他最欣賞太太的地方，他說：「太太絕對唔會出來爭和搶，佢好多年前己經係第一，依家做音樂為享受，做想做的歌，開音樂會是多謝歌迷，畀人話爭第一成為話題就好無辜，太太冇諗過要做天下第一，做天下第一開心和健康就夠。」
任達華正在山東開拍電視劇，今次專誠從山東返港出席活動，晚上又趕返山東繼續開工，對上一次拍劇《破冰行動》已經是幾年前的事，今次接劇因為欣賞導演譚盾，讚劇本好，角色亦正亦邪吸引他。山東現在38度，濕度又低，又熱又乾非常辛苦，問會否擔心中暑？任達華表示太太準備了防中暑藥和護膚品，不過他的角色比較粗獷，護膚品用不着。
之後亦要去馬來西亞拍廣告，所以父親節要在工作中渡過，雖然不能與女兒Ella慶祝，但指Ella每年都會送父親節禮物給他，他在山東亦拍下很美的小麥和棗田給女兒欣賞。又指小麥田好壯觀，令人充滿活力，好的電視劇要支持，又希望大家多支持香港電影。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
