




節目甫開始,啤梨和李蘊都忍不住話當年,李蘊自爆12歲入行時的趣事:「我成日喺新城『搞搞震』,啲工作人員好驚我走失,我成日去睇人哋啲枱有咩玩,哈哈!」她透露自己雖是Cream中年紀最大的成員,卻因性格內向甚少發言,更自嘲「講嘢唔叻,成日跟人口水尾」。問她可有跟其餘兩位成員盧嘉寶(Carpo)及陳曉彤(Hilda)聯絡?李蘊透露從社交媒體上得知兩人近況,「佢哋都移咗民,嫁晒外國人,生埋小朋友。」據知,陳曉彤在組合解散後到愛爾蘭學習音樂,並在科克音樂學院完成了一等榮譽學位。她現在已經搬到匈牙利,於李斯特音樂學院進行柯達利音樂教育。





談及人生轉折,李蘊透露已離婚兩年半,9歲女兒和7歲幼子現時跟隨前夫在廣州生活,她每星期會中港兩邊走,「我會每星期接佢哋去玩,反而咁樣學識珍惜,因為日日對住小朋友會發癲,一星期見一次會變得好溫柔,亦唔捨得鬧佢哋。」



被問好姊妹何超蓮和鄧紫棋可有介紹對象?她表示:「以前有啲聚會都有男仔,但嗰啲男仔好多講英文,開口埋口全部英文,得兩句中文,我真係搞唔掂,都係搵番本地人好啲。」回首過去的20年,33歲的李蘊感嘆:「普通30歲女仔可能仲喺到摸索,或者拍緊拖,但我已經歷好多唔同階段。(會唔會驚咗?)唔會,人生要有經歷先完整。」
李蘊解釋新歌《由自可》(意指本可置之不理)與倒序後的「可自由」,傳達「活在當下」的態度:「世界每日都有災難預言,與其擔憂未來,不如珍惜眼前。」MV更首度嘗試AI技術生成畫面,她表示:「因為首歌係自資,所以將預算集中喺音樂品質上,MV就簡單啲。」






早前李蘊與前夫羅章冠合體為女兒慶祝9歲生日,她解釋:「我哋唔係仇人,始終係小朋友爸爸媽媽角色,唔會大家唔可以合照,會有一家人合體嘅時間,唔係分開就有你冇我。」她指子女亦知道父母離異,認為現今世代好普遍。對於前夫在網上發文指被背叛、被傷害,甚至暗示有人出軌,李蘊就表示:「每個人情緒都會有唔好嘅時候,可能係有啲衝動,但係好多嘢係唔需要向全世界人交代,有嘢自己知就可以。」被追問是否涉及第三者時,她就猶豫片刻答道:「呀…唔講嘞,唔講以前都過咗兩年幾,而家OK。」























本文作轉載及備份之用 來源 source: http://www.hk01.com
鍾意就快D Share啦!
|
|